Nazorat tadbirlari davomida Islom Karimov ko‘chasi va 7x7 ko‘chalari kesishmasi hududida ichimlik suvi quvurida yuzaga kelgan avariya sababli toza ichimlik suvi uzoq vaqt davomida oqib, isrof bo‘layotgani, hududning sanitariya holati yomonlashib, fuqarolar harakatlanishiga noqulaylik tug‘dirayotgani aniqlandi.

Shuningdek, mazkur avariya oqibatida ichimlik suvi bosimi pasayib, mahalla aholisining suv ta’minotida uzilish va yetishmovchilik muammolari yuzaga kelayotgani qayd etildi.

Deputat so‘rovida:
✅ ichimlik suvi quvuridagi avariyani zudlik bilan bartaraf etish;
✅ avariya yuzaga kelgan joyni to‘liq ta’mirlash;
✅ ichimlik suvi yo‘qotilishining oldini olish;
✅ amalga oshirilgan ishlar yuzasidan belgilangan tartibda ma’lumot taqdim etish so‘ralgan.

🔹 Mazkur masala deputat nazoratiga olingan bo‘lib, uning ijrosi yuzasidan monitoring ishlari davom ettiriladi.