Xalq deputatlari Sardoba tumani Kengashi deputatlari N.Xamidova J.Umarovlar tomonidan “Quyitosh” mahallasida joylashgan Madaniyat saroyida saylovchilar bilan uchrashuv tashkil etildi.
Uchrashuv davomida aholini qiynab kelayotgan muammolar, ijtimoiy-maishiy masalalar, hududda amalga oshirilayotgan islohotlar hamda fuqarolarning taklif va murojaatlari atroflicha muhokama qilindi.
Shuningdek, saylovchilarning fikr va tashabbuslari tinglanib, ularni ijobiy hal etish yuzasidan tegishli choralar belgilab olindi.

Deputat N.Xamidova o‘z faoliyati davomida aholi bilan ochiq muloqot qilish, ularning dardu tashvishlariga yechim topish va hududni ijtimoiy-iqtisodiy rivojlantirishga qaratilgan ishlar izchil davom ettirilishini ta’kidladi.

Mazkur uchrashuv aholi bilan yaqin muloqot o‘rnatish, fuqarolarning ishonchini mustahkamlash hamda deputatlik faoliyati samaradorligini oshirishda muhim ahamiyat kasb etdi.