DOIMIY KOMISSIYADA MAHALLIY BUDJETNING QO‘SHIMCHA MANBALARIDAN MABLAG‘ YO‘NALTIRISH MASALASI MUHOKAMA QILINDI

Xalq deputatlari Pastdarg‘om tumani Kengashi Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi navbatdagi yig‘ilishida tuman mahalliy budjetining qo‘shimcha manbalari hisobidan mablag‘larni yo‘naltirish masalasi ko‘rib chiqildi.

📊 Muhokamada tuman Iqtisodiyot va moliya bo‘limi boshlig‘ining birinchi o‘rinbosari U. Maxmanazarovning hisoboti hamda qo‘shimcha manbalar hisobidan mablag‘ ajratish yuzasidan Umumlashtiruvchi komissiya xulosasi tinglandi.

✅ Qarorga muvofiq, Budjet kodeksining 120 va 126-moddalari hamda tuman hokimligining takliflari asosida budjetdan ajratiladigan mablag‘lar qisqartirilishi natijasida bo‘shab qolgan mablag‘lar hisobidan Pastdarg‘om tumani Maktabgacha va maktab ta’limi bo‘limi xodimlarini 50 foiz rag‘batlantirish xarajatlari uchun 412 million 989 ming so‘m mablag‘ ajratish taklifi ma’qullandi.