#biriktirilgan_tashkilot
#deputat_faoliyati
#kotibiyat_xodimi_faoliyati

Biriktirilgan tashkilot faoliyati o‘rganildi

Xalq deputatlari Qiziriq tumani Kengashi deputati K.Umirov hamda tuman Kengashi kotibiyati bosh mutaxassisi A.Mamarajabov deputatga biriktirilgan tashkilot — ATB “Mikrokreditbank” Qiziriq tumani filialida bo‘lib, biriktirilgan tashkilot bilan ishlash yo‘nalishi bo‘yicha filial faoliyati bilan tanishdilar.

Tashrif davomida aholiga va tadbirkorlik subyektlariga ko‘rsatilayotgan bank xizmatlari, kredit ajratish amaliyoti, mijozlarga xizmat ko‘rsatish sifati hamda murojaatlar bilan ishlash holati yuzasidan o‘rganish olib borildi. Shuningdek, filial faoliyatida amalga oshirilayotgan ishlar va mavjud masalalar mas'ul xodimlar ishtirokida muhokama qilinib, hamkorlikni yanada kuchaytirish yuzasidan fikr almashildi.

Bundan tashqari, «Banklar va bank faoliyati to‘g‘risida»gi O‘zbekiston Respublikasi Qonuni (O‘RQ–580-son, 2019-yil 5-noyabr, yangi tahrir) ijrosi yuzasidan tayyorlangan savolnoma asosida ham o‘rganish olib borilib, qonun talablarining amaliy ijrosi va bank faoliyatida ularga rioya etilish holati tahlil qilindi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram