#sessiya_kun_tartibidagi_masala
#deputat_faoliyati
#nazorat_tahlil

Yoshlar siyosati yo‘nalishida amalga oshirilayotgan ishlar o‘rganildi

Xalq deputatlari Qiziriq tumani Kengashiga 16-Guliston saylov okrugidan saylangan deputat Y.Bo‘ronov o‘zi saylangan saylov okrugi hududidagi "Zartepa" mahallasida bo‘lib, tuman Kengashining navbatdagi sessiyasi kun tartibiga kiritilgan Yoshlar ishlari agentligi Qiziriq tumani bo‘limi boshlig‘ining tumanda yoshlarga oid davlat siyosatini amalga oshirish, ularning bandligini ta’minlash, ijtimoiy qo‘llab-quvvatlash, bo‘sh vaqtini mazmunli tashkil etish hamda “Yoshlar daftari” bilan ishlash yo‘nalishlarida 2026-yilning birinchi yarim yilligida amalga oshirilgan ishlari to‘g‘risidagi hisoboti yuzasidan o‘rganish olib bordi.

O‘rganish davomida mahalladagi yoshlar yetakchisi tomonidan yoshlarning bandligini ta’minlash, “Yoshlar daftari”ga kiritilgan yoshlar bilan ishlash, ularni kasb-hunarga yo‘naltirish, tadbirkorlikni qo‘llab-quvvatlash, bo‘sh vaqtini mazmunli tashkil etish hamda besh muhim tashabbus doirasida amalga oshirilayotgan ishlar bilan tanishildi.

Shuningdek, hududdagi yoshlarning mavjud muammolari, ularni bartaraf etish yuzasidan ko‘rilayotgan choralar va davlat dasturlari ijrosi tahlil qilinib, sessiyada ko‘rib chiqiladigan masala yuzasidan zarur taklif va tavsiyalar shakllantirildi. Deputatlik nazorati doirasida mazkur yo‘nalishdagi ishlar yuzasidan monitoring tadbirlari davom ettirilishi qayd etildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram