Xalq deputatlari Paxtakor tumani Kengashi deputati K.Mamanova tomonidan Suvonobod mahallasida yoshlar bilan ochiq muloqot tashkil etildi.

Uchrashuv davomida yoshlarning ta'lim olishi, bandligini ta'minlash, zamonaviy kasb-hunarlarni egallashi, tadbirkorlik faoliyatini boshlashi, bo‘sh vaqtini mazmunli tashkil etishi hamda ularning ijtimoiy faolligini oshirish masalalari muhokama qilindi.

Shuningdek yoshlarning iste'dod va salohiyatini ro‘yobga chiqarish, ularni turli loyihalar va davlat dasturlariga keng jalb etish, bandligini ta'minlash hamda tadbirkorlik faoliyatini qo‘llab-quvvatlash bo‘yicha amalga oshirilayotgan ishlar haqida ma'lumotlar berildi.

Muloqot yakunida yoshlarning huquq va manfaatlarini himoya qilish, ularning tashabbuslarini qo‘llab-quvvatlash hamda jamiyat hayotidagi faolligini yanada oshirish borasidagi ishlarni izchil davom ettirish muhimligi ta'kidlandi.