#_deputat_faoliyati
#_162_ta_qonun
#_24_ta_masala
Ijtimoiy himoya va Qonun ijrosi deputat nazoratida

Tuman Kengashi kotibiyati bosh mutaxassisi, tuman Kengashi deputati N.Xamdamova hamda xalq deputatlari tuman Kengashi huzuridagi “Ekspertlar guruhi” a’zolari S.Qosimov, M.Normo‘minovalar bilan birgalikda xalq deputatlari tuman Kengashi deputati Mamadiyeva Dilbar saylangan Sariosiyo tumanidagi “17-Dashnabod” saylov okrugiga qarashli "Sarijar" mahallasida o‘rganishlar olib borildi.

“Sarijar” mahallasida ijtimoiy xodim B.Xolova ishtirokida O‘zbekiston Respublikasining “Fuqarolar sog‘lig‘ini saqlash to‘g‘risida”gi O‘RQ-261-I-sonli Qonuni ijrosi hamda nogironligi bo‘lgan shaxslarni har tomonlama qo‘llab-quvvatlash holatini o‘rgandilar.
Xalq deputatlari tuman Kengashining 2026-yilga mo‘ljallangan ish rejasining 36-bandida belgilangan vazifalar ijrosini ta’minlash maqsadida hududda aholi, jumladan, nogironligi bo‘lgan shaxslarni har tomonlama qo‘llab-quvvatlash, ularning tibbiy hamda davlat xizmatlaridan foydalanishi uchun zarur shart-sharoitlar yaratish borasida amalga oshirilayotgan ishlar, shuningdek fuqarolar sog‘lig‘ini saqlash holati tahlil qilindi.
O‘rganish yakunida aniqlangan kamchiliklarni bartaraf etish hamda amalga oshirilayotgan ishlar samaradorligini yanada oshirish yuzasidan mas’ullarga tegishli tavsiya va ko‘rsatmalar berildi.