“Tazajol” APJ aymaǵındaǵı mektep imaratınıń kapital ońlaw jumısları menen tanıstı

♻️ Xalıq deputatları Shımbay rayonlıq Keńesi sekratariat baslıǵı M.Zarikeev “Tazajol” APJ aymaǵındaǵı 13-sanlı ulıwma bilim beriw mektebinde alıp barılıp atırǵan kapital ońlaw jumısları menen tanıstı.

Úyreniw dawamında deputat qurılıs-ońlaw jumıslarınıń barısı, orınlanıp atırǵan jumıslardıń sapası, qurılıs materiallarınıń belgilengen talaplarǵa muwapıqlıǵı hám jumıslardıń belgilengen múddetlerde juwmaqlanıwı máselelerin úyrendi. Sonday-aq, bilimlendiriw mákemesinde oqıwshılar hám pedagoglar ushın jaratılıp atırǵan sharayatlar, klass xanaları, injenerlik-kommunikaciya tarmaqları hám abadanlastırıw jumısları kózden ótkerildi.

Deputat juwapker shólkemlerdiń wákilleri menen sóylesip, qurılıs jumısların sapalı hám óz waqtında juwmaqlaw, bilimlendiriw procesin zamanagóy talaplarǵa sáykes sharayatlarda shólkemlestiriw boyınsha tiyisli usınıslar berdi.