Mamlakatimizda ko‘p kvartirali uylarni ta’mirlash hamda ularga tutash hududlarni obodonlashtirish borasida keng ko‘lamli ishlar amalga oshirilmoqda.

Xalq deputatlari Mirzo Ulug‘bek tumani Kengashi raisi Yuldasheva Muyassar Tairovna okrugi hududidagi boshqaruv servis kompaniyalari bilan uchrashdi.

Uchrashuvda “mahalla yettiligi” va hududdagi boshqaruv servis kompaniyalari vakillari ishtirok etdi va unda ko‘p kvartirali uylarni boshqarishda aholi e’tirozlariga sabab bo‘lgan bir qator muammolar yuzasidan suhbat o‘tkazildi.

Suhbatlar jarayonida boshqaruv servis kompaniyalari tomonidan fuqarolardan kelib tushayotgan murojaatlarga qay darajada tez javob berilishi, muammolar yuzasidan murojaatlarning hal etilishi hamda kuz-qish fasliga tayyorgarlik ishlari muhokama qilindi.

Tadbir yakunida boshqaruv kompaniyalari tomonidan aholiga sifatli xizmat ko‘rsatilishini ta’minlash maqsadida ularning zarur salohiyat, asbob-anjom va mutaxassislar bilan ta’minlanishiga alohida e’tiborni qaratish bo‘yicha tavsiyalar berildi.