Mahallada yoshlar bilan ishlash – ustuvor vazifa

O‘ZBEKISTON RESPUBLIKASI PREZIDENTINING MAHALLALARDA YOSHLAR BILAN ISHLASH TIZIMINI TUBDAN TAKOMILLASHTIRISH CHORA-TADBIRLARI TO‘G‘RISIDAGI QARORI

Prezident qarori bilan endi har bir mahallada alohida Yoshlar yetakchisi lavozimi joriy etildi. Bu — yoshlar muammolari bevosita mahallaning o‘zida hal etilishini anglatadi.

Yetakchining 4 ta asosiy vazifasi:

Ishonchni uyg‘otish: Yoshlarning o‘ziga bo‘lgan ishonchini oshirish va loyihalarini qo‘llab-quvvatlash.

Iqtidorlarni kashf etish: "Besh tashabbus olimpiadasi" orqali yoshlar qobiliyatini yuzaga chiqarish.

Bandlikka ko‘mak: Yoshlarni tadbirkorlikka o‘rgatish va ish bilan ta'minlash.

Ijtimoiy yordam: "Yoshlar daftari" orqali manzilli ko‘mak berish.

6 ta yo‘nalishdagi asosiy tadbirlar:

Mahalla yetakchilari yoshlarning bo‘sh vaqtini mazmunli o‘tkazish uchun quyidagi loyihalarni tashkil qiladi:

Madaniyat: "Yoshlar ovozi", "Kamalak yulduzlari" festivali va mahalla teatr jamoalari.

Sport: Mini-futbol, voleybol, shaxmat-shashka musobaqalari va "5 000 qadam" marafoni.

IT: "Bir million dasturchi", kiber-sport chempionatlari.

Kitobxonlik: "Zukko kitobхон", "Yosh kitobxon" va "Zakovat" o‘yinlari.

Vatanparvarlik: "Temurbeklar", "To‘maris malikalari" va harbiy qismlarga sayohatlar.

Biznes: "O‘zbekiston uchun 100 g‘oya" tanlovi va "Biznesga birinchi qadam" grantlari.

"Nuroniy va yoshlar" tizimi

Endi har bir mahallada "Bir nuroniyga o‘n nafar yosh" tamoyili asosida tajribali keksalar yoshlarga ustozlik qiladi. Bu yoshlarni vatanparvarlik va milliy qadriyatlar ruhida tarbiyalashga xizmat qiladi.

Xulosa: Ushbu tizim orqali yoshlar o‘z muammosi bilan idoralarga bormaydi, balki mahalla yetakchisi yoshlarning huzuriga chiqadi!