“Besh tashabbus olimpiadasi”ning tuman bosqichi o‘tkazildi

Xalq deputatlari Termiz tuman Kengashiga 5-Uchqizil saylov okrugidan saylangan deputat Norsayev Shafоat Tojiyevich tomonidan tuman sport maktabida o‘rganish ishlari olib borildi.

O‘rganish davomida sport maktabida yaratilgan shart-sharoitlar, sport inshootlarining holati hamda yoshlarning sport bilan muntazam shug‘ullanishi uchun yaratilgan imkoniyatlar ko‘zdan kechirildi.

Shuningdek, “Besh tashabbus olimpiadasi” doirasida sportning 100, 200 va 400 metrga yugurish hamda uzunlikka sakrash yo‘nalishlari bo‘yicha uyushmagan yoshlar o‘rtasida tuman bosqichi musobaqalari o‘tkazildi.

Musobaqalar yoshlarning jismoniy faolligini oshirish, ularning sportga bo‘lgan qiziqishini yanada kuchaytirish hamda iqtidorli sportchilarni aniqlashga xizmat qildi.