Xalq deputatlari Qo‘qon shahar Kengashi raisi va deputati X.Nazarova tomonidan saylovchilar murojaati asosida tegishli tashkilotga deputatlik so‘rovi yuborildi.

Mazkur deputatlik so‘rovi Buloqboshi saylov okrugi hududidagi "At-Termiziy" mahalla fuqarolar yig‘inida o‘tkazilgan uchrashuv va o‘rganishlar davomida fuqaro G.Xakimova hamda uning farzandi Sh.Xakimov tomonidan bildirilgan murojaat yuzasidan tayyorlandi.

Murojaatda fuqaro o‘zi va farzandi uchun tibbiy order (davolanish uchun order) rasmiylashtirishda amaliy yordam ko‘rsatish masalasini ko‘targan. Mazkur murojaat joyiga chiqib o‘rganilib, amaldagi qonunchilik talablari asosida uni hal etish maqsadida Qo‘qon shahar Tibbiyot birlashmasiga deputatlik so‘rovi yuborildi.

Deputatlik so‘roviga muvofiq, murojaatda ko‘rsatilgan holatlarni belgilangan tartibda ko‘rib chiqish, fuqarolarga amaliy yordam ko‘rsatish imkoniyatlarini o‘rganish hamda ko‘rilgan choralar yuzasidan qonunchilikda belgilangan muddatlarda asoslantirilgan javob taqdim etish so‘ralgan.

Mazkur masala deputat nazoratiga olingan bo‘lib, uning ijrosi yuzasidan qo‘shimcha ma’lumotlar berib boriladi.

Xalq deputatlari Qo‘qon shahar Kengashi