Zomin tumanida “Jaholatga qarshi ma’rifat” shiori ostida ma’naviy-ma’rifiy targ‘ibot-tashviqot tadbirlari izchil davom ettirilmoqda. Mazkur yo‘nalishdagi navbatdagi tadbir Jizzax viloyati hokimining 2026-yil 28-yanvardagi 01-12-sonli majlis bayoni bilan tasdiqlangan kompleks chora-tadbirlar rejasiga muvofiq tashkil etildi.

Tadbirda Yuksalish harakati viloyat hududiy bo‘linmasi rahbari Muzaffar Mamatkulov, tuman Kengashi depuatlari O‘rol Akkulov, Muhammadi G'oibnazarov hamda tuman targ‘ibot guruhi rahbari Saodat Alimova ishtirok etdilar. Mazkur targ‘ibot tadbiri Zomin tumani “Xalqobod”, “Oqtepa” hamda “Sh.Rashidov” mahalla fuqarolar yig‘inlari aholisi ishtirokida yagona hududda umumlashgan tarzda o‘tkazildi. Bu esa targ‘ibot ishlarini yanada samarali tashkil etish, keng qamrovni ta’minlash hamda aholi bilan bevosita muloqotni kuchaytirishga xizmat qildi.

Tadbir davomida ishtirokchilarga “Jaholatga qarshi — ma’rifat” g‘oyasining mazmun-mohiyati atroflicha tushuntirildi. Xususan, dinning asl mohiyati insonparvarlik, ezgulik va tinchlik g‘oyalariga asoslanishi, diniy bag‘rikenglik va o‘zaro hurmat tamoyillarining jamiyat barqarorligidagi o‘rni haqida muhim fikrlar bildirildi. Shuningdek, ijtimoiy-ma’naviy muhitni mustahkamlash, qonun ustuvorligini ta’minlash, yoshlarni turli yot g‘oyalardan asrash hamda oila muqaddasligini asrab-avaylash masalalariga alohida e’tibor qaratildi.

Tadbir yakunida “Jaholatga qarshi ma’rifat” shiori ostida tayyorlangan videorolik namoyish etilib, unda ilgari surilgan g‘oyalar vizual tarzda yanada mustahkamlandi. Bu esa ishtirokchilarda mavzuga nisbatan yanada chuqurroq tushuncha va tasavvur hosil qildi.

Shuningdek, tadbir davomida ishtirokchilar tomonidan berilgan savollarga mutaxassislar tomonidan batafsil, asosli va tushunarli javoblar berildi. Bu esa ochiq muloqot muhitini yaratish, aholi bilan samarali aloqani yo‘lga qo‘yishda muhim omil bo‘ldi.

Mazkur targ‘ibot tadbiri — uch mahalla aholisini birlashtirgan holda ma’naviy-ma’rifiy ishlarni yangi bosqichda tashkil etish, jamiyatda sog‘lom ma’naviy muhitni shakllantirish hamda fuqarolarning huquqiy va ma’naviy savodxonligini oshirishda muhim ahamiyat kasb etmoqda.