Termiz tumani tibbiyot birlashmasiga qarashli muassasada “Open Budget” loyihasi doirasida yutib olingan zamonaviy mammografiya apparatini o‘rnatish uchun ajratilgan yangi bino ta’mirlash jarayoni deputat ishtirokida o‘rganildi.

Xalq deputatlaari Termiz tuman Kengashi deputati G.Shafoatova o‘rganish davomida qurilish-ta’mirlash ishlari sifati, xonalarni sanitariya va tibbiy talablarga moslashtirish, elektr ta’minoti hamda zarur muhandislik kommunikatsiyalarining tayyorligi ko‘zdan kechirildi. Deputat tomonidan ishlarning belgilangan muddatda va sifatli yakunlanishi yuzasidan mas’ullarga aniq tavsiyalar va topshiriqlar berildi.

Mazkur apparat ishga tushirilishi natijasida tumandagi ayollar salomatligini muhofaza qilish, kasalliklarni erta aniqlash va zamonaviy diagnostika xizmatlarini yo‘lga qo‘yish imkoniyati yanada kengayadi. Bu esa hududda tibbiy xizmat sifatini yangi bosqichga olib chiqadi.