Yangi maktab — yangi imkoniyatlar: M. Eshtemirovda shart-sharoitlar o‘rganildi.

Xalq deputatlari viloyat Kengashi deputati S.Nazarova hamda Termiz tuman Kengashi  raisi S.Nazarov birgalida kotibiyat mudiri  A.Avliyakulov saylangan hudud “M. Eshtemirov” mahallasida joylashgan 330 o‘rinli yangi umumta’lim maktabida yaratilgan shart-sharoitlar bilan deputatlar joyiga chiqqan holda batafsil tanishdilar.

Mazkur maktab hudud aholisi, ayniqsa o‘sib borayotgan yoshlar sonini inobatga olgan holda barpo etilgan bo‘lib, zamonaviy loyiha asosida qurilgan. Ta’lim muassasasida keng va yorug‘ sinfxonalar, fan xonalari, kompyuter sinfi, kutubxona hamda o‘quvchilar uchun barcha zarur jihozlar mavjud va o‘quv jarayonini samarali tashkil etish uchun yetarli sharoit yaratilgan alohida e’tirof etildi.

Shu bilan birga, mahalla aholisini qiynab kelgan muammo — maktab va aholi xonadonlari o‘rtasida qatnovda yuzaga kelayotgan noqulaylik va xavfsizlik masalasi mazkur masala deputat tashabbusi bilan ko‘tarilib, tuman hokimi tomonidan qo‘llab-quvvatlangan hamda amaliy choralar ko‘rilganligi.

Hudud deputati tomonidan maktab o‘quvchilari xavfsizligini to‘liq ta’minlash maqsadida yangi qurilgan piyodalar ko‘prigida ayrim ishlar hali yakuniga yetkazilmagani qayd etildi. Xususan, ko‘prik atrofiga himoya panjaralarini o‘rnatish bo‘yicha amaliy ishlar olib borilayotgani ta’kidlandi.

O‘rganish yakunida hududni yanada obodonlashtirish, qo‘shimcha xavfsizlik choralarini ko‘rish hamda maktab atrofini to‘liq xavfsiz hududga aylantirish bo‘yicha tegishli tavsiyalar berildi. Ushbu amaliy ishlar aholi tomonidan mamnuniyat bilan kutib olindi.