Xalq deputatlari Angor tumani Kengashining 13-Angor saylov okrugi deputati Jo‘rayev Akbar tomonidan Qadimiy Angor mahallasida olib borilayotgan qurilish ishlari o‘rganildi. Jumladan, hududda barpo etilayotgan ko‘prik qurilishi hamda aholini toza ichimlik suvi bilan ta’minlashga qaratilgan tarmoq tortish ishlari jarayonlari joyiga chiqib ko‘zdan kechirildi. Amalga oshirilayotgan ishlarning sifati, belgilangan muddatlarga rioya etilishi va aholi uchun yaratilayotgan qulayliklar deputat e’tiborida bo‘ldi. O‘rganish davomida mas’ul tashkilotlar vakillariga qurilish ishlarini jadallashtirish, sifat ko‘rsatkichlarini yanada oshirish hamda aholining dolzarb ehtiyojlarini inobatga olish yuzasidan tegishli tavsiyalar berildi .Mazkur bunyodkorlik ishlari hudud infratuzilmasini yaxshilash, aholi turmush darajasini oshirish hamda qulay yashash sharoitlarini yaratishda muhim ahamiyat kasb etadi.