🔹Xalq deputatlari Marg‘ilon shahar Kengashi deputat A.Ermatov tomonidan Marg‘ilon shahrining Qirguli mahallasida mavjud elektr ta’minoti bilan bog‘liq masalalar o‘rganildi. 

🔹O‘rganish jarayonida Imom Motrudiy ko‘chasi aholisi tomonidan bildirilgan murojaat alohida e’tibor markazida bo‘ldi. Ma’lum bo‘lishicha, ushbu hududning elektr ta’minoti Toshloq tumani Elektr tarmoqlari korxonasi orqali amalga oshiriladi. Ammo elektr energiyasining kun davomida 3–4 marotabagacha uzilib qolishi aholiga jiddiy noqulaylik tug‘dirmoqda. Aholi ayniqsa kuz-qish mavsumida bu uzilishlar yanada kuchayishidan xavotir bildirmoqdalar.

🔹Deputat tomonidan Qirguli mahallasi Imom Motrudiy ko‘chasining elektr ta’minotini Marg‘ilon shahar Elektr tarmoqlari korxonasi tasarrufiga o‘tkazish masalasi yuzasidan xalq deputatlari Farg‘ona viloyati Kengashi deputati Z.S.G‘ofurovaga rasmiy aloqa xati yuborildi.