Bugun, 20-oktyabr kuni Toshkent shahar “Nuroniy” jamg‘armasi hamda Mirobod tumani bo‘limi, shuningdek, xalq deputatlari Mirobod tuman Kengash deputati X.Kayumov tomonidan “Keksalar haftali” va “Keksalar turizm oyligi” doirasida ma’naviy-ma’rifiy tadbir — “Uch avlod uchrashuvi” o‘tkazildi.

Tadbir Mirobod tumani hokimligi, tuman Madaniyat bo‘limi, Ma’naviyat va ma’rifat markazi hamda Yoshlar ishlari agentligi hamkorligida “Al-Aziz” restoranida bo‘lib o‘tdi. Unda tuman faollaridan 60 nafar keksa avlod vakillari, o‘rta yoshlar hamda yoshlar ishtirok etdi.

Tadbir ochilishida so‘z olgan Mirobod tumani “Nuroniy” jamg‘armasi raisi, Xalq deputatlari tuman kengashi deputati Qayumov Xayrullo Zabixullayevich keksalarni e’zozlash, ularga g‘amxo‘rlik ko‘rsatish davlat siyosati darajasiga ko‘tarilganini ta’kidladi.

— Bugungi uchrashuv — bu nafaqat samimiy suhbat maydoni, balki keksa va yosh avlod o‘rtasidagi rishtalarni mustahkamlash, hayotiy tajribalarni yoshlarga yetkazishda muhim maydon bo‘ldi, — dedi X.Qayumov.