Sessiyada Xalq deputatlari tuman Kengashi deputatlari, tuman hokimining o‘rinbosarlari, kun tartibiga kiritilgan masalalarga aloqador davlat va jamoat tashkilotlari rahbarlari hamda ommaviy axborot vositalari vakillari ishtirok etdilar.

Sessiya ishida Geografik ob’yektlarga nom berish va ularni qayta nomlash, Jondor tumanida “Ayollar daftari” 6-bosqichiga kiritilishi tavsiya etilayotgan xotin-qizlar ro‘yxatini va ularni ijtimoiy-iqtisodiy qo‘llab-quvvatlashga qaratilgan “Yo‘l xarita”sini tasdiqlash, Mahallaning ijtimoiy-iqtisodiy muammolarini hal etish jamg‘armasi daromadlari va xarajatlari ijrosi yuzasidan 2024-yil yakunlari, O‘zbekiston Respublikasi Prezidentining 2025-yil 30-yanvardagi PF-16-sonli “O‘zbekiston-2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturining Jondor tumanida ijrosini ta’minlash bo‘yicha kompleks chora-tadbirlar dasturini tasdiqlash hamda boshqa masalalar ko‘rib chiqildi.

Kun tartibidagi barcha masalalar atroflicha muhokama qilinib, Xalq deputatlari Jondor tumani Kengashining tegishli qarorlari qabul qilindi.