DEPUTAT FAOLIYATI: 

Xalq deputatlari Jaro'rg'on tuman Kengashi deputatlari O.Mahmudov, J.Pardayev va S.Yuldoshevlar, O‘zbekiston Respublikasi Oliy Majlisi Senatining Kengashining 2025-yil 14-yanvardagi “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “Mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi KQ-35-sonli qarori asosida Jarqo‘rg‘on tumanini rivojlantirishga qaratilgan dasturlar, chora-tadbirlar, loyihalarning bajarilishi yuzasidan deputatlik nazorat tahlil tadbirlarini olib bordi.

Hududlarni rivojlantirish borasida belgilangan vazifalar ijrosi hamda “Mahalla yettiligi – Kengash – Senat” uch bo‘g‘inli hamkorlik tizimi samaradorligini yanada oshirish, o‘zaro hamkorligini mustahkamlash maqsadida hamda tumanni kompleks ijtimoiy-iqtisodiy rivojlantirishni jadallashtirish bo‘yicha qo‘shimcha chora-tadbirlar yuzasidan tuman Kengashi deputatlari joylarda amalga oshirilayotgan loyihalar bilan tanishdi.

Shuningdek, tumandagi "Qorayontoq" mahallasidagi "BEK ALI ATXAMBEK" fermer xo‘jaligi tomonidan qurilayotgan "Muzlatgichli omborxona"ning qurilish ishlari bilan tanishildi, "Guliston" mahallasidagi "ILK IMKON BARAKA" MCHJ tomonidan "Baliqchilik" faoliyatini tashkil etish ishlari, "Gulxovuz" mahallasidagi 47-maktabda qurilayotgan 240 o'rinli qo'shimcha binoning loyihasi hamda "Qo'shtepa" mahalllasidagi "FABULLO STROY SERVIS" MCHJ tomonidan "Gazablok" ishlab chiqarish faoliyatini Kengaytirish ishlari bilan deputatlar tanishib, loyihalarda uchrayotgan muommolar yuzasidan deputatlik nazoratini o'rnatdi hamda loyihalarni o'z vaqtida boshlamayotgan korxona raxbarlariga tushuntirishlar berilib, murojaatlar yuzasidan tegishli tashkilotlarga deputatlik so'rovlari yuborilishi belgilab olindi.

✍️ Xalq deputatlari Jarqo‘rg‘on tumani Kengashi