Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq  O‘zbekiston “Milliy tiklanish” demokratik partiyasidan saylangan deputat F.Axmedov va kotibiyat xodimi N.Kurganova tomonlaridan tuman markazida barpo etilayotgan istirohat bog‘ining qurilish ishlari o‘rganildi

🟢O‘rganish davomida bog‘ hududida amalga oshirilayotgan ishlar, obyektlarning tayyorgarlik holati va hududni aholi uchun yanada qulay hamda zamonaviy ko‘rinishga keltirish jarayoniga alohida e’tibor qaratildi. Ayni paytda istirohat bog‘ida ko‘kalamzorlashtirish, bruschatka yotqizish, mavjud darvozalar va obyektlarni bo‘yoqlash ishlari jadal davom etmoqda. Hududni obodonlashtirish ishlari bosqichma-bosqich amalga oshirilib, bog‘ning umumiy qiyofasini yanada yaxshilashga qaratilgan choralar ko‘rilmoqda.

🟢Ko‘kalamzorlashtirish ishlari orqali bog‘ hududida yashil maydonlarni ko‘paytirish, aholi va mehmonlar uchun sog‘lom hamda xushmanzara muhit yaratish maqsad qilingan. Shuningdek, piyodalar harakati uchun bruschatka yotqizilishi hududda yurish uchun qulay va tartibli yo‘laklar shakllantirishga xizmat qiladi.

🟢Deputat tomonidan bajarilayotgan ishlar sifatini ta’minlash, obodonlashtirish jarayonida hududning umumiy ko‘rinishiga uyg‘unlikka e’tibor qaratish, foydalanilayotgan qurilish materiallarini sifatli tanlash hamda ishlarni belgilangan talablar asosida yakuniga yetkazish muhimligi ta’kidlandi.

🟢Mazkur ob’yektda olib borilayotgan qurilish, ko‘kalamzorlashtirish va obodonlashtirish ishlarining sifati hamda o‘z vaqtida yakunlanishi deputatlik nazorati doirasida kuzatib borilishi belgilandi.