Deputat Xolmuratova Flora Po‘latchi mahallasi aholisi bilan muloqot qildi

Xalq deputatlari Pastdarg‘om tuman Kengashi deputati Xolmuratova Flora Po‘latchi mahallasi aholisi bilan uchrashuv o‘tkazdi. Tadbirda asosan kuz-qish mavsumiga tayyorgarlik masalalari muhokama qilinib, hududdagi transformator punktlari va gaz quvurlarining holati, elektr energiyasi va tabiiy gaz ta’minotida barqarorlikni saqlash masalalari ko‘tarildi.

Shuningdek, Po‘latchi mahallasida joylashgan 28-125-maktablarda o‘quvchilarning darsga davomati va ta’lim sifati bo‘yicha ham fikr almashildi. Aholi vakillari deputatga murojaat qilib, gaz bosimining pasayib ketmasligi, chiroqlarda tez-tez uzilishlar bo‘lmasligi hamda ariqlarda chiqindilar yig‘ilib qolayotgani kabi muammolarni tilga oldilar. Mahalla aholisi tashabbusi bilan hududda hashar uyushtirib, chiqindilarni tozalash bo‘yicha taklif ham ilgari surildi.