Xalq deputatlari Yangiobod tumani Kengashi deputati G.Raimova tegishli tashkilotlar bilan birgalikda Sarmich mahalla
aholisi bilan uchrashuv o‘tkazdi. Tadbirda energiya sohasida amalga oshirilayotgan islohotlar natijadorligi tushuntirildi hamda fuqarolarni qiziqtirgan savollarga javob berildi. 

Uchrashuv davomida Respublikamizda energiya tizimini modernizatsiya qilish va samarali ishlashini ta’minlash bo‘yicha olib
borilayotgan islohotlar haqida batafsil ma’lumot berildi. 

Yangi energiya loyihalari, shu jumladan, mahallalarda elektr ta’minoti sifati va barqarorligini oshirish choralari tanishtirildi. 

Aholiga energiya tejash va undan samarali foydalanish bo‘yicha amaliy tavsiyalar berildi. 

Fuqarolar tomonidan bildirilgan savollar va murojaatlar tinglanib, ularning har biriga javob berildi. 

Uchrashuv samimiy muhitda o‘tdi. Aholining faol ishtiroki bildirgan taklif va fikrlari deputat va mas’ul tashkilotlar uchun
muhim yo‘nalish bo‘lib xizmat qiladi.