26 sentyabr kuni Oliy Majlis Qonunchilik palatasi deputati O.B.Yuldashev Jalaquduq tumaniga tashrif buyurdi. Asosiy maqsad tumandagi energetika sohasidagi islohotlar samaradorligini oshirish, “Yashil iqtisodiyot”ga o‘tish jarayonlarini o‘rganishdan iborat edi. Aholining elektr energiyasiga bo‘lgan talabini qondirish, yashil energiyadan samarali foydalanish va ijtimoiy soha obyektlarini kuz-qish mavsumiga tayyorlash borasida amalga oshirilayotgan ishlar bilan tanishdi. Tashrif davomida Oliy Majlis Qonunchilik palatasi deputati O.B.Yuldashevga, xalq deputatlari Jalaquduq tuman Kengashi kotibiyati mudiri I.Juraev, O‘zLiDeP tuman Kengashi apparati rahbari v.b. S.Hasanov hamda tuman elektr ta’minoti korxonasi mutaxassislari hamrohlik qildilar. Deputat bajarilayotgan ishlarga ijobiy baho berib, kelgusida ushbu yo‘nalishdagi chora-tadbirlarni izchil davom ettirish bo‘yicha o‘z takliflarini bildirib o‘tdi.