Mamlakatimizda aholining muammolarini joyida o‘rganish va ularni hal etish bo‘yicha samarali tizim joriy etilgan. Shulardan biri — sayyor qabul institutidir. Bu jarayon davlat idoralari va rahbarlarning bevosita hududlarda fuqarolar bilan uchrashuvi, ularning murojaatlarini joyida tinglash va amaliy yordam ko‘rsatishni nazarda tutadi. 

Sayyor qabul — davlat va xalq o‘rtasidagi ochiq muloqotning samarali ko‘rinishidir. Bu jarayon nafaqat muammolarni joyida hal etish, balki aholining davlat siyosatiga ishonchini oshirish, ijtimoiy adolatni ta’minlashga ham xizmat qiladi. 

2025-yil 24-sentabr kuni Xalq deputatlari Yangiobod tumani Kengashi raisi, tuman hokimi I.Qarshiboev Sarmich mahalla fuqarolar yig‘inida sayyor qabul o‘tkazdi. Qabulda tuman IIB boshlig‘i J.Xo‘janov ishtirok etdi. 

Qabul davomida mahalla aholisi tomonidan turli masalalar bo‘yicha murojaatlar tinglanib, ularni joyida hal etish choralariga kirishildi. 

Ayrim murojaatlar bo‘yicha mas’ullarga topshiriqlar berildi va ijrosini nazoratga olish belgilandi.