O‘zbekiston Respublikasi Prezidenti Shavkat Mirziyoyevning BMT Bosh Assambleyasining 80-sessiyasidagi nutqi mamlakatimizning yangi taraqqiyot yo‘li va xalqaro maydondagi faol pozitsiyasini yaqqol namoyon etdi. Davlat rahbari dunyoda kechayotgan siyosiy va iqtisodiy o‘zgarishlar fonida BMTning o‘rni va ahamiyatini mustahkamlash zarurligini ta’kidladi. Xavfsizlik Kengashini kengaytirish, rivojlanayotgan davlatlarning ovozini kuchaytirish, adolatli xalqaro tartibni shakllantirish haqidagi takliflari global auditoriya uchun dolzarbdir.

Nutqda O‘zbekistonda amalga oshirilayotgan keng qamrovli islohotlar ham keng yoritildi. Jumladan, kambag‘allik darajasi sezilarli kamaygani, ta’lim va sog‘liqni saqlash tizimi rivojlanayotgani, gender tenglik va yoshlar masalalariga e’tibor kuchaygani qayd etildi. Yashil energetika, ekologiya va suv resurslarini oqilona boshqarish masalalari ham davlat siyosatining ustuvor yo‘nalishi sifatida tilga olindi.

Prezident tashqi siyosat masalalarida ham aniq tashabbuslar bilan chiqdi. Markaziy Osiyo davlatlari o‘rtasida hamkorlikni kuchaytirish, Afg‘onistonda barqarorlikni ta’minlash, transport va energetika koridorlarini rivojlantirish kabi masalalar o‘zining dolzarbligi bilan ajralib turdi. Shuningdek, global iqlim o‘zgarishi, terrorizmga qarshi kurash, xalqaro migratsiya va yangi texnologiyalarni adolatli rivojlantirish muammolari xalqaro hamjamiyat bilan birgalikda hal qilinishi kerakligi ta’kidlandi.

Umuman olganda, nutq O‘zbekistonning ichki va tashqi siyosatda ochiqlik, hamkorlik, tinchlik va barqaror taraqqiyot tamoyillariga qat’iy sodiqligini namoyish etdi. U mamlakatimizning xalqaro maydondagi obro‘sini oshiradi va yangi tashabbuslarni ilgari surish orqali global muloqotda faol ishtirok etayotganini ko‘rsatadi.

Xalq deputatlari Paxtakor tumani kengashi deputati 

Ergasheva Dilchexra.