Xalq deputatlari Olmazor tumani Kengashining 17-"Miskin" okrug deputati Ziyo Parizod Azamat qizi boshchiligida, Boshqaruv servis kompaniyasi (BSK) rahbari va mahalla yettiligi vakillari ishtirokida mahalladagi ko‘p qavatli uylarning yer to‘la qismlari o‘rganildi.

Tashrifdan ko‘zlangan asosiy maqsad — yer to‘la qismlarining texnik holatini ko‘zdan kechirish, kuz-qish mavsumiga bardoshliligi, sanitariya talablariga javob berishini aniqlash va aholining murojaatlariga asoslangan masalalarni joyida hal etishdan iborat bo‘ldi.

O‘rganish davomida aniqlangan muammolar bo‘yicha tegishli choralar belgilandi hamda xizmat ko‘rsatuvchi tashkilotlarga aniq topshiriqlar berildi.

Bunday tadbirlar mahallada yashovchi fuqarolarning xavfsizligi va qulay yashash sharoitlarini ta’minlashga xizmat qiladi.