Prezidentimizning o‘qituvchilar va murabbiylar bilan o‘tkazgan muloqotidagi so‘zlarida bir haqiqat bor edi. U ham bo‘lsa - har qanday islohot birinchi navbatda inson bilan, ayniqsa, ta’limdagi o‘zgarishlar - o‘qituvchi bilan boshlanadi. So‘nggi yillarda ta’limda katta o‘zgarishlar, yangi dasturlar, innovatsion texnologiyalar joriy etildi. Ammo bu islohotlarning markazida aynan pedagoglar turganida - ular hayotga tatbiq etiladi. Shu sababli, bo‘lib o‘tgan muloqotda Prezidentimiz islohotlar ildizini o‘qituvchining o‘zida, uning tayyorgarligi, salohiyati, hayotiy pozitsiyasida, deb ko‘rsatdi. 

Bu har birimiz uchun ikki tomonlama xulosa: birinchidan, biz endi tomoshabin emasmiz - faol ishtirokchimiz. Ikkinchidan, bizning fikrimiz, tajribamiz, hayotiy kuzatishlarimiz islohotlarga asos bo‘lishi mumkin. Shu sababli, endi har bir o‘qituvchi o‘z kasbining faqat ijrochisi emas, balki tashabbuskoriga aylanishi zarur. Maktabdagi har bir kichik o‘zgarish - katta o‘zgarishlarning boshlanishi bo‘lishi mumkin. Said Donishev, Xalq deputatlari Jizzax shahar Kengashi deputati