FUQARO MUROJAATI DEPUTAT TOMONIDAN O‘RGANILMOQDA

Xalq deputatlari Namangan shahar Kengashi deputati O. Yusupov tomonidan saylangan deputatlik okrugi hududida istiqomat qiluvchi fuqaroning murojaati o‘rganilmoqda.

Muloqot davomida fuqaro tomonidan bildirilgan masala tinglanib, murojaatga oid hujjatlar ko‘rib chiqilmoqda. Murojaatning mazmuni, unda ko‘tarilgan masalaning holati hamda uni hal etish imkoniyatlarini aniqlashga e’tibor qaratilmoqda.

Mazkur ishlar mahalliy Kengash deputatlari faoliyatining 24-yo‘nalishi — aholi tomonidan ko‘tarilgan muammolarni o‘rganish va ularni hal etish masalalarini Kengash sessiyalari muhokamasiga olib chiqish imkoniyatlarini ko‘rib chiqish vazifalari doirasida amalga oshirilmoqda.

O‘zbekiston Respublikasining 2014-yil 5-maydagi O‘RQ-369-son “Davlat hokimiyati vakillik organlari deputatining maqomi to‘g‘risida”gi Qonunida deputatning huquq va majburiyatlari, saylov okrugidagi faoliyati hamda fuqarolar bilan ishlashiga oid huquqiy asoslar belgilangan.

Murojaatni belgilangan tartibda ko‘rib chiqish, uning yuzasidan qonuniy yechim topish va fuqaroning huquq hamda manfaatlarini ta’minlash masalasi deputatlik faoliyatining muhim yo‘nalishlaridan biridir.