Xalq deputatlari tuman Kengashining 2026-yilga mo‘ljallangan ish rejasiga muvofiq Kengash raisi O.Babayev, O‘zbekiston Liberal demokratik partiyasidan saylangan deputat B.Azmetov tomonlaridan tumandagi suv xo‘jaligi mas’ullari, “mahalla yettiligi” a’zolari ishtirokida tumanning “S.Xondayliqiy” mahallasidagi aholining murojaati joyiga chiqqan holda o‘rganildi.

🔵Murojaatda kelgusida suv toshqinlari yuzaga kelishining oldini olish maqsadida mahalla hududidagi kanal va suv quvurini ta’mirlash masalasi ko‘tarilgan. O‘rganish davomida mazkur masalaning aholi xavfsizligi, hududdagi mavjud infratuzilmaning holati hamda ehtimoliy suv toshqinlarining oldini olishdagi ahamiyatiga e’tibor qaratildi.

🔵Deputatlar tegishli mas’ullar bilan birgalikda murojaatda ko‘rsatilgan joyni ko‘zdan kechirib, kanal va suv quvurini ta’mirlash bo‘yicha bildirilgan takliflarni muhokama qildilar. O‘rganish jarayonida aholiga murojaatda ko‘tarilgan masala yuzasidan tushuntirishlar berilib, muammoni bartaraf etish, kanal va suv quvurini ta’mirlash imkoniyatlarini ko‘rib chiqish hamda zarur chora-tadbirlarni belgilash bo‘yicha tegishli mas’ullarga vazifalar yuklatildi.