Xalq deputatlari Yangiobod tuman Kengashi deputati Z. Abduraimova tomonidan 7-sonli davlat maktabgacha ta’lim tashkiloti faoliyati o‘rganildi.

O‘rganish davomida tarbiyalanuvchilar uchun yaratilgan shart-sharoitlar, ta’lim-tarbiya jarayonining tashkil etilishi, mashg‘ulotlarning mazmuni va bolalarning kun tartibiga rioya etilishi holatiga e’tibor qaratildi.

Shuningdek, guruh xonalari, bolalarning dam olishi va mashg‘ulotlar o‘tkazishi uchun yaratilgan sharoitlar, sanitariya-gigiyena talablari, ovqatlanish jarayoni hamda hududning obodonlashtirilganlik holati ko‘rib chiqildi.

Bolalarning xavfsizligi, ularning yosh xususiyatlariga mos rivojlantiruvchi mashg‘ulotlar bilan qamrab olinishi, bo‘sh vaqtining mazmunli tashkil etilishi hamda tarbiyachilarning tarbiyalanuvchilar bilan ishlash jarayonlariga ham alohida e’tibor qaratildi.

Tashkilot mas’ullari bilan muloqot davomida mavjud muammolar, ularni bartaraf etish imkoniyatlari va maktabgacha ta’lim xizmatlari sifatini yanada yaxshilash bo‘yicha fikr almashildi.

O‘rganish yakunida aniqlangan masalalarni bartaraf etish, tarbiyalanuvchilar uchun qulay va xavfsiz sharoitlarni yanada yaxshilash, ta’lim-tarbiya jarayoni sifatini oshirish hamda mavjud imkoniyatlardan samarali foydalanish yuzasidan tegishli tavsiya va vazifalar belgilandi.