Xalq deputatlari Qo‘qon shahar Kengashi deputati G.Payg'amova tomonidan saylovchilar bilan o‘tkazilgan uchrashuvlar davomida bildirilgan murojaat asosida navbatdagi deputatlik so‘rovi yuborildi.

Saylovchilar bilan o‘tkazilgan uchrashuvlar davomida Qo‘qon shahar “Yangi obod” mahalla fuqarolar yig‘ini, A.T. Xuqandiy mavzesi, 110-uy, 40-xonadonda yashovchi boquvchisini yo‘qotgan, yolg‘iz ona Komilova Dilshodahon 1 nafar farzandi bilan istiqomat qilayotgani hamda ta’mirtalab xonadonini ta’mirlashda amaliy yordam so‘rab murojaat qilgani ma’lum bo‘ldi.

️Mazkur murojaatni ijobiy hal etish maqsadida deputat tomonidan Qo‘qon shahar “Inson” ijtimoiy xizmatlar markazi boshlig‘i J.Mirzayevga deputatlik so‘rovi yuborildi.

Deputatlik so‘rovida K.Dilshodahonning xonadoniga borib, fuqaro bilan uchrashish, muammoni joyida o‘rganish hamda amaliy yordam ko‘rsatish so‘ralgan.

Shuningdek, fuqaroning xonadonini ta’mirlash ishlari qachon va qanday tartibda amalga oshirilishi yuzasidan aniq ma’lumotlar asosida asoslantirilgan tushuntirish berish so‘ralgan.

Mazkur masala deputat nazoratiga olingan bo‘lib, qonunchilikda belgilangan 10 kunlik muddatda deputatlik so‘roviga javob taqdim etilishi hamda amalga oshirilgan ishlar yuzasidan qo‘shimcha ma’lumot berib boriladi.

Xalq deputatlari Qo‘qon shahar Kengashi