Aholini kundalik ehtiyoj uchun zarur bo‘lgan oziq-ovqat mahsulotlari bilan ta’minlash, narx-navoning barqarorligini kuzatish hamda iste’mol bozorida yetarli zaxira yaratish masalalari deputatlik nazoratining muhim yo‘nalishlaridan biridir.

Xalq deputatlari Termiz shahar Kengashining Agrar, suv xo‘jaligi va ekologiya masalalari bo‘yicha doimiy komissiyasi a'zosi, ekspert guruhi a'zosi, 15-“Tuproqqo‘rg‘on” saylov okrugi deputati D.Toshboyeva hamda Kengash kotibiyati bosh mutaxassisi R.Mamashukurovlar “Tuproqqo‘rg‘on” mahallasida bo‘lib, nazorat-tahlil tadbirini o‘tkazdilar.

Mazkur jarayon mahalliy Kengash deputatlari faoliyati uchun belgilangan “24 ta eng muhim yo‘nalish” mezonlarining 10-bandi — aholi iste’moli uchun eng zarur mahsulotlar narx-navosi va ularning yetarliligini o‘rganish yo‘nalishi asosida tashkil etildi.

O‘rganish davomida mahallada aholiga taklif etilayotgan kundalik ehtiyoj mahsulotlarining mavjudligi, narxlarining barqarorligi hamda fuqarolar uchun qulay savdo sharoitlari masalalariga e’tibor qaratildi.

Aniqlangan holatlar yuzasidan tegishli tavsiya va ko‘rsatmalar berilib, aholini zarur mahsulotlar bilan ta’minlash hamda narx-navoning asossiz oshib ketishiga yo‘l qo‘ymaslik borasidagi ishlar deputatlik nazoratida qoldirildi.