2026-yil sentabr oyida Xalq deputatlari Chilonzor tumani Kengashi deputatlari tomonidan hududlarda aholi uchun muhim bo‘lgan masalalarni o‘rganish va ularni mas’ul tashkilotlar e’tiboriga yetkazish maqsadida deputat so‘rovlari yuborildi.
📍 Muhammedova Barno Farxadovna tomonidan Qozirobod mahallasi, Arnasoy ko‘chasi, 2-uy oldidagi bolalar maydonchasini ta’mirlash masalasi ko‘tarildi.
📍 Nazirov Madaminjon Ma’rufjon o‘g‘li hududga investitsiyalarni jalb etish, investitsiya loyihalarini amalga oshirish, ishlab chiqarish quvvatlarini kengaytirish va yangi ish o‘rinlari yaratish bo‘yicha amalga oshirilayotgan ishlar yuzasidan ma’lumot so‘radi.
📍 Saidov Ulug‘bek Aripovich tomonidan 7-sonli davlat maktabgacha ta’lim muassasasi hududidagi ichki yo‘laklar, bordyurlar va notekis qismlarni ta’mirlash, muassasa oldida piyodalar yo‘l chizig‘i va tezlikni pasaytiruvchi sun’iy notekislik o‘rnatish, shuningdek, bolalar uchun ochiq havodagi o‘yingoh tashkil etish masalalari yuzasidan deputat so‘rovlari yuborildi.
📍 Ahmedov Shuxrat Murotovich tomonidan “Gavhar” mahallasida zamonaviy va xavfsiz avtobus bekati barpo etish, “Do‘mbirobod” ko‘chasi, 139-uy oldidagi avtobus bekatini ta’mirlash hamda Do‘mbirobod mahallasidagi ayrim ko‘chalarning yo‘l qoplamasini tiklash masalalari ko‘tarildi.
🤝 Deputat so‘rovlari — hududdagi mavjud muammolarni aniqlash, ularni mas’ul tashkilotlar oldiga qo‘yish va yechimiga ko‘maklashishning muhim vositasidir.
Xalq deputatlari Chilonzor tumani Kengashi deputatlari tomonidan aholi manfaatlarini ko‘zlagan holda hududlardagi dolzarb masalalarni o‘rganish va ularning yechimi yuzasidan deputatlik nazorati davom ettirilmoqda.