Xalq deputatlari Paxtakor tumani Kengashi deputatlari S. Ulug‘murodov, K. Mamanova, N. Sulaymonov hamda ekspert guruhi a’zosi M. Abdullayev tomonidan tumandagi 9-sonli umumiy o‘rta ta’lim maktabining kuz-qish mavsumiga tayyorgarlik holati o‘rganildi.

O‘rganish davomida maktabning isitish tizimi, mavsumni betalofat o‘tkazish uchun yaratilgan sharoitlar hamda yoqilg‘i zaxirasi ko‘zdan kechirildi. Xususan, maktabni isitish uchun zarur bo‘lgan ko‘mir yoqilg‘isi yetarli miqdorda jamg‘arilgani, mavjud zaxira kuz-qish mavsumida ta’lim jarayonini barqaror tashkil etish uchun muhim omil ekani qayd etildi.

Shuningdek, aniqlangan masalalar yuzasidan mas’ullarga tegishli tavsiyalar berilib, kuz-qish mavsumiga tayyorgarlik ishlarini yakunlash va mavjud kamchiliklarni bartaraf etish bo‘yicha vazifalar belgilandi.