DOIMIY KOMISSIYA VA BIRIKTIRILGAN TASHKILOT HAMKORLIGI
🌱 Xalq deputatlari Pastdarg‘om tumani Kengashi Agrar, suv xo‘jaligi va ekologiya masalalari bo‘yicha doimiy komissiyasi faoliyati doirasida deputat M. Kumakov tomonidan biriktirilgan tashkilotlar — Fermerlar kengashi hamda tuman Qishloq xo‘jaligi bo‘limi faoliyati o‘rganildi.
🔎 O‘rganish davomida fermer xo‘jaliklari bilan ishlash holati, qishloq xo‘jaligi sohasidagi vazifalarning bajarilishi, fermerlarning mavjud muammolari hamda ularni hal etish bo‘yicha amalga oshirilayotgan ishlar ko‘rib chiqildi.
🌾 Shuningdek, qishloq xo‘jaligi sohasida samaradorlikni oshirish, fermerlarni qo‘llab-quvvatlash, mavjud muammolarni aniqlash va ularning yechimi bo‘yicha mas’ullar bilan fikr almashildi.
📌 Aniqlangan masalalar yuzasidan tegishli tavsiyalar berilib, belgilangan vazifalar ijrosi doimiy komissiya va deputatlik nazorati asosida kuzatib borilishi belgilandi.
🤝 Doimiy komissiya va biriktirilgan tashkilotlarning hamkorligi — muammolarni joyida aniqlash va amaliy yechimlarni shakllantirishning muhim omilidir.