SHAXSIY TARKIB HUJJATLARI DAVLAT ARXIVI FAOLIYATI O‘RGANILDI

Xalq deputatlari Termiz tuman Kengashi deputatlari tomonidan Termiz tuman Shaxsiy tarkib hujjatlari davlat arxivi faoliyati hamda Kengashga biriktirilgan tashkilotlarda arxiv ishlarini yuritish holati o‘rganildi.

O‘rganish davomida shaxsiy tarkibga oid hujjatlarni jamlash, tartibga keltirish, hisobga olish, saqlash va belgilangan tartibda davlat arxiviga topshirish masalalariga alohida e’tibor qaratildi.

Mazkur ishlar O‘zbekiston Respublikasining “Arxiv ishi to‘g‘risida”gi Qonuni talablari asosida amalga oshirilmoqda. Ushbu Qonun Qonunchilik palatasi tomonidan 2009-yil 3-noyabrda qabul qilingan hamda Senat tomonidan 2010-yil 7-mayda ma’qullangan.

Shuningdek, arxiv hujjatlarining butligi va saqlanishi, fuqarolarning mehnat faoliyatiga oid ma’lumotlarni izlash hamda ularga zarur arxiv ma’lumotlarini taqdim etish holati ham ko‘zdan kechirildi.

O‘rganish yakunlari bo‘yicha aniqlangan masalalar yuzasidan mas’ullarga tegishli tavsiya va ko‘rsatmalar berilib, arxiv hujjatlarini belgilangan tartibda yuritish, saqlash va topshirish bo‘yicha ishlarni yanada kuchaytirish zarurligi qayd etildi.