Jismoniy tarbiya va sport — bu nafaqat salomatlik garovi, balki yoshlarning irodasini shakllantiruvchi hamda ularni buyuk g‘alabalarga yetaklovchi muhim omildir. Shu bois, taʼlim muassasalarida sport infratuzilmasini yaxshilash doimiy eʼtiborda.
📌 Olmaliq shahar “Kamalak” mahallasi hududida joylashgan 18-sonli umumtaʼlim maktabida navbatdagi o‘rganish ishlari olib borildi.

Xalq deputatlari shahar Kengashi deputati Muhiddin Abdullayev hamda hudud deputati Shodiya Alijonovaning vakili — Kengash Kotibiyati mudiri Sevara Qodirova maktabdagi mavjud sharoitlarni bevosita joyiga chiqqan holda ko‘zdan kechirishdi.

🔍 O‘rganish davomida nimalarga e’tibor qaratildi?
Maktabdagi sport zallarining holati va ularning xavfsizlik talablariga mosligi;
Sport anjomlari va jihozlarining yetarlilik darajasi hamda zaxirasi;
O‘quvchi-yoshlarni sport to‘garaklariga qamrab olish ko‘rsatkichlari.

Muloqot davomida maktab direktori bilan birgalikda o‘quvchilarning sport sohasida erishayotgan yutuqlari e’tirof etildi hamda ularni yanada ommaviy sportga jalb etish bo‘yicha istiqboldagi rejalar tahlil qilindi.

📝 Amaliy choralar: O‘rganishlar davomida aniqlangan ba’zi kamchiliklar va yechimini kutayotgan masalalar deputatning “Ko‘chama-ko‘cha” jurnaliga batafsil qayd etildi. Mazkur masalalarni tezkor va samarali hal etish yuzasidan tegishli mutasaddi tashkilotlarga deputatlik so‘rovi yuborilishi hamda ularning ijrosi nazoratga olinishi belgilandi.