SAYLOVCHILAR BILAN UCHRASHUV O‘TKAZILDI

✅ Xalq deputatlari Boysun tumani Kengashining 1-sonli “Tuzbozor” saylov okrugi deputati H.Saidov tomonidan Poygaboshi mahalla fuqarolari bilan uchrashuv o‘tkazildi.

✅ Uchrashuv tasdiqlangan reja-grafik asosida tashkil etilib, unda mahalla hududida yashovchi fuqarolarning kundalik hayotida uchrayotgan, ularni uzoq vaqtdan buyon qiynab kelayotgan muammo va masalalar atroflicha o‘rganildi.

✅ Muloqot davomida fuqarolar o‘zlarini qiziqtirayotgan masalalar yuzasidan fikr va takliflarini bildirdilar. Deputat tomonidan har bir murojaat tinglanib, muammolarni joyida o‘rganish, ularning yechimini ta’minlash hamda tegishli tashkilotlar bilan hamkorlikda amaliy choralar ko‘rish masalalariga e’tibor qaratildi.

📋 Shuningdek, uchrashuv davomida bildirilgan murojaat va takliflar murojaatlar daftariga qayd etilib, ularning ijrosini nazoratga olish bo‘yicha tegishli vazifalar belgilandi.

✅ Bunday uchrashuvlar deputat va saylovchilar o‘rtasidagi bevosita muloqotni mustahkamlash, hududdagi muammolarni aniqlash va ularni amaliy hal etishda muhim ahamiyat kasb etadi.