O‘zbekiston Ekologik partiyasi Mirzo Ulug‘bek tumani partiya tashkiloti raisi Aziz Sattorov tuman Ekologiya bo‘limi inspektorlari bilan hamkorlikda “Chimyon” mahallasi hududida o‘rganish ishlarini olib bordi.

Unda hududdagi daraxtlarning holati o‘rganilib, tabiiy omillar ta’sirida qurib qolgan daraxtlar mavjudligi aniqlandi. Daraxtlarning aholi va atrofdagi hudud uchun xavf tug‘dirishining oldini olish, zarur choralarni ko‘rish masalasi muhokama qilindi.

O‘rganish yakunlari bo‘yicha daraxtlarni belgilangan tartibda butalash va xavfsiz holatga keltirish, ularning aholi hayoti va mol-mulkiga zarar yetkazishining oldini olish yuzasidan tegishli chora-tadbirlarni amalga oshirish bo‘yicha xulosa va tavsiyalar berildi.