Маҳаллада ободонлаштириш ишлари ташкил этилди
Халқ депутатлари Янгиқўрғон тумани Кенгаши депутати Тошпўлатов Олимжон Йўлдашевич ташаббуси билан сайлов округидаги маҳаллада ободонлаштириш ишлари ташкил этилди.
Жараёнда кўча ва йўлакларни тозалаш, ариқларни тартибга келтириш, чиқиндиларни бартараф этиш ҳамда ҳудуднинг санитария ҳолатини яхшилашга қаратилган ишлар амалга оширилди.
Депутат ободонлаштириш жараёнларини ўрганиб, маҳаллани янада кўркам ва озода ҳудудга айлантириш бўйича масъулларга тегишли тавсиялар берди. Бундай ишлар аҳоли учун қулай ва муносиб яшаш шароитларини яратишга хизмат қилади.