МУСТАҚИЛЛИК БАЙРАМИГА ҚИЗҒИН ҲОЗИРЛИК КЎРИЛМОҚДА
Янгиқўрғон туманида Ўзбекистон Республикаси давлат мустақиллигининг 35 йиллик байрамини юқори савияда нишонлашга қизғин тайёргарлик кўрилмоқда.
Туман ҳокими, Халқ депутатлари Янгиқўрғон тумани Кенгаши депутати Нажмиддинов Асадулла Икромович байрам тадбирларига тайёргарлик жараёнларини жойига чиққан ҳолда ўрганди.
Ўрганиш давомида тадбирлар ўтказиладиган ҳудудлардаги ободонлаштириш ва байрамона безатиш ишлари, санитария ҳолати, аҳоли учун зарур шарт-шароитлар яратилиши ҳамда тадбирларни юқори савияда ташкил этиш масалаларига алоҳида эътибор қаратилди.

Масъулларга белгиланган вазифаларни сифатли ва ўз вақтида бажариш, тайёргарлик ишларини янада жадаллаштириш юзасидан тегишли кўрсатма ва топшириқлар берилди.
Мустақиллигимизнинг 35 йиллигини туман аҳолиси учун кўтаринки кайфиятда ва муносиб тарзда нишонлаш мақсадида барча зарур чоралар кўрилмоқда.