Xalq deputatlari Qo‘qon shahar Kengashi deputati X.Nazarova tomonidan “At-Termiziy” mahalla fuqarolar yig‘inida Xalq deputatlari Qo‘qon shahar Kengashining navbatdagi sessiyasi kun tartibiga kiritilgan “Shahar IIB boshlig‘ining 2026-yil birinchi yarim yilligida shaharda jinoyatchilik va huquqbuzarliklarning oldini olish borasida amalga oshirilgan ishlar to‘g‘risidagi hisoboti” yuzasidan o‘rganish ishlari olib borildi.

O‘rganish jarayonida mahalla profilaktika inspektori M.Eshonxo‘jayev ishtirok etib, hududda jamoat xavfsizligini ta’minlash, jinoyatchilikning barvaqt oldini olish hamda huquqbuzarliklar profilaktikasi yo‘nalishida amalga oshirilayotgan ishlar muhokama qilindi.

Xususan, mahalla hududiga o‘rnatilgan videokuzatuv kameralarining ishchi holati, ularning qamrov darajasi va samaradorligi joyiga chiqqan holda o‘rganilib, mavjud kuzatuv tizimini yanada takomillashtirish yuzasidan fikr almashildi.

Shuningdek, mahalladagi kriminogen vaziyat tahlil qilinib, huquqbuzarliklarning oldini olish, profilaktik hisobda turuvchi fuqarolar bilan manzilli ishlash, yoshlar va xotin-qizlar o‘rtasida huquqiy targ‘ibot ishlarini kuchaytirish hamda "mahalla yettiligi" bilan hamkorlikni yanada mustahkamlash masalalari muhokama etildi.

Xalq deputatlari Qo‘qon shahar Kengashi