Deputat fuqarolar murojaatlarini qabul qildi

🇺🇿 Xalq deputatlari Uchtepa tumani Kengashiga O'zLiDePdan saylangan "16-Algoritm" okrugi deputati, Uchtepa tumani hokimi Mamadjanov Bunyod Baxtiyorovich tomonidan tuman Xalq qabulxonasida fuqarolar uchun navbatdagi qabul o‘tkazildi.

💬 Qabul davomida fuqarolar tomonidan bandlik, tadbirkorlikni qo‘llab-quvvatlash, ichki ko‘cha yo‘llarini ta’mirlash hamda boshqa ijtimoiy masalalar yuzasidan bildirilgan murojaatlar atroflicha ko‘rib chiqildi. Har bir murojaat bo‘yicha mas’ul tashkilotlar ishtirokida muhokama o‘tkazilib, ularni qonunchilik doirasida hal etish yuzasidan aniq vazifalar belgilandi.

✅ Qabul yakunlariga ko‘ra, 1 nafar ishsiz xotin-qizga bolalar massajchisi yo‘nalishi bo‘yicha o‘qish uchun vaucher ajratildi, 1 nafar ishsiz yoshga shaxmat to‘garagini tashkil etish uchun zarur joy ajratish masalasi ijobiy hal etildi, shuningdek, 3 nafar fuqaroning ichki ko‘cha yo‘llarini asfaltlash bo‘yicha murojaatlari qanoatlantirildi.

🗣 Deputat qabulida fuqarolar murojaatlarini o‘z vaqtida ko‘rib chiqish, ularning muammolariga qonuniy yechim topish hamda aholi bilan ochiq muloqotni kuchaytirish ustuvor vazifa ekani alohida ta’kidlandi.

⚙️ Xalq deputatlari Uchtepa tumani Kengashi deputatlari tomonidan fuqarolar bilan muntazam uchrashuvlar va shaxsiy qabullarni tashkil etish, aholini qiynayotgan muammolarni joyida o‘rganish hamda ularning ijobiy yechimini ta’minlash borasidagi ishlar izchil davom ettirilmoqda.