Deputatlik nazorati amalda

️ Xalq deputatlari Sariosiyo tuman Kengashi deputati S.Qosimov tomonidan deputatlik nazorati vakolatlari doirasida O‘zbekiston Mahallalari uyushmasining Sariosiyo tuman bo‘limida o‘rganish ishlari olib borildi.

 O‘rganish davomida bo‘lim tomonidan mahallalarni har tomonlama qo‘llab-quvvatlash, aholining muammolarini o‘z vaqtida aniqlash va bartaraf etish, fuqarolarning murojaatlari bilan ishlash hamda davlat organlari va tashkilotlari bilan hamkorlikni yo‘lga qo‘yish borasida amalga oshirilayotgan ishlar tahlil qilindi.

 Shuningdek, mahallalarda ijtimoiy himoyaga muhtoj oilalarni qo‘llab-quvvatlash, yoshlar va xotin-qizlar bandligini ta’minlash, tadbirkorlikni rivojlantirish, obodonlashtirish ishlari hamda mahalla tizimida yuritilayotgan hujjatlar va ijro intizomi holati o‘rganildi.

️ Deputat tomonidan amaldagi qonunchilik hujjatlari hamda belgilangan vazifalar ijrosining holatiga alohida e’tibor qaratilib, mavjud muammolar va ularni bartaraf etish yuzasidan mas’ul xodimlarning taklif va mulohazalari tinglandi.

 O‘rganish yakunida aniqlangan kamchiliklarni bartaraf etish, faoliyat samaradorligini yanada oshirish hamda aholiga ko‘rsatilayotgan xizmatlar sifatini yaxshilash yuzasidan tegishli tavsiya bildirildi.