Mahalladagi dolzarb masalalar o‘rganildi

Xalq deputatlari Qiziriq tumani Kengashiga 6-Xomkon saylov okrugidan saylangan deputat U.Yangiboyev o‘zi saylangan saylov okrugidagi "Xomkon" mahallasiga tashrif buyurib, mahalladagi hokim yordamchisi tomonidan amalga oshirilayotgan ishlar bilan yaqindan tanishdi.

Shuningdek, deputat mahalladagi tibbiyot punktida bo‘lib, aholini bepul dori-darmonlar bilan ta’minlash holati, dori vositalarining mavjudligi hamda tibbiy xizmat ko‘rsatish sifati yuzasidan o‘rganish olib bordi.

Bundan tashqari, Xalq deputatlari tuman Kengashining navbatdagi sessiyasi kun tartibiga kiritilgan ichimlik suvi va issiq suv ta’minoti holati, xususan, energiyani tejovchi texnologiyalardan foydalanish hamda energiya samaradorligini oshirish borasida amalga oshirilayotgan ishlar yuzasidan mahallada o‘rganish o‘tkazildi.

O‘rganish davomida aniqlangan holatlar yuzasidan mas’ullar bilan fikr almashilib, mavjud muammolarni bartaraf etish hamda aholiga ko‘rsatilayotgan xizmatlar sifatini yanada yaxshilash bo‘yicha tegishli taklif va tavsiyalar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram