Tadbirkorlik faoliyati o‘rganildi

Xalq deputatlari Qiziriq tumani Kengashi kotibiyati mudiri K.Muhammadiyev "Zarobod" mahallasiga tashrif buyurib, tikuvchilik yo‘nalishida faoliyat yuritayotgan mahalliy tadbirkorning ish faoliyati bilan tanishdi.

Tashrif davomida tadbirkor tomonidan tashkil etilgan tikuvchilik ustaxonasida yaratilgan sharoitlar, ishlab chiqarish jarayoni, aholi, ayniqsa xotin-qizlar bandligini ta’minlash borasida amalga oshirilayotgan ishlar hamda "ustoz-shogird" an’analari asosida yoshlarni kasb-hunarga o‘rgatish bo‘yicha olib borilayotgan faoliyat o‘rganildi.

Shuningdek, tadbirkorlikni yanada rivojlantirish, ishlab chiqarish hajmini kengaytirish, yangi ish o‘rinlarini yaratish hamda shogirdlar tayyorlash tizimini qo‘llab-quvvatlash yuzasidan o‘zaro fikr almashilib, tegishli tavsiya va takliflar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram