Xalq deputatlari Paxtakor tumani Kengashining yettinchi chaqiriq 28-sessiyasida tumandagi ichki yo‘llarni saqlash va joriy ta’mirlash ishlari bo‘yicha 2026-yil uchun yakuniy manzilli ro‘yxatini tasdiqlash masalasi ko‘rib chiqildi.

Mazkur masala yuzasidan taqdim etilgan takliflarga ko‘ra, 2026-yilda tumandagi ichki yo‘llarning 7,5 kilometr qismini asfaltlashtirish hamda 2,5 kilometr qismini shag‘allashtirish ishlari amalga oshirilishi belgilandi.

Sessiya davomida deputatlar tomonidan manzilli ro‘yxat muhokama qilinib, yo‘l infratuzilmasini yaxshilash, aholi uchun qulay va xavfsiz harakatlanish sharoitlarini yaratish borasidagi ushbu takliflar qo‘llab-quvvatlandi.

Muhokamalar yakunida tumandagi ichki yo‘llarni saqlash va joriy ta’mirlash ishlari bo‘yicha 2026-yil uchun yakuniy manzilli ro‘yxat deputatlar tomonidan bir ovozdan tasdiqlandi.

Slide 1 of 1