НУРОНИЙЛАР ИШТИРОКИДА БИТИРУВЧИ ЁШЛАР БИЛАН УЧРАШУВ ЎТКАЗИЛДИ
Халқ депутатлари Янгиқўрғон туман Кенгаши депутати Ғайбуллаев Шавкатжон Муҳаммаджон ўғли томонидан сайлов округида жойлашган 4-сонли мактабда битирувчи ёшлар билан учрашув ташкил этилди.
Учрашувда нуронийлар ҳам иштирок этиб, ёшларга ҳаётий тажрибалари, касб танлаш, келгуси режаларни тўғри белгилаш ҳамда ватанпарварлик руҳида тарбияланиш бўйича ўз фикр ва тавсияларини билдирдилар.
Шунингдек, битирувчиларнинг келгусида олий таълим муассасаларига кириши, касб-ҳунар эгаллаши, жамиятда ўз ўрнини топиши юзасидан суҳбат ўтказилди.
Депутат томонидан ёшларнинг таклиф ва фикрлари тингланиб, уларни қўллаб-қувватлаш, таълим олиш ва касб танлашда тўғри йўналиш бериш муҳимлиги таъкидланди.
✅ Бундай учрашувлар ёшларнинг келажакка бўлган ишончини мустаҳкамлашга хизмат қилади.