1-S.Ayniy saylov okrugi deputati, Romitan tuman hokimi  Umedjon Barnoyev boshchiligida tumanda sanoat salohiyatini yanada oshirish, ayniqsa, ishlab chiqarish quvvatini pasaytirgan yoki faoliyati to‘xtatgan korxonalar oldida turgan muammolarni tezkor hal etish yuzasidan zarur chora-tadbirlar belgilash maqsadida tumandagi yirik sanoat korxonalarda o‘rganish ishlari olib borildi.

Xususan, "Qahramon" mahalla fuqarolar yig‘ini hududida joylashgan “WBM ROMITEX DIROMM” MCHJ faoliyati bilan tanishishdi.

Tashrif davomida mas’ul xodimlar korxonadagi yangi ish o‘rinlari, texnologik jarayonlar va eksport salohiyatini oshirish borasida amalga oshirilayotgan ishlar o‘rganildi.

Shuningdek, ishlab chiqarish quvvatlari, mahalliy xomashyo ulushi va bozor talabiga mos ravishda mahsulot assortimentini kengaytirish masalalari ko‘rib chiqildi.

O‘rganishlar davomida tadbirkorni qiynayotgan muammolar, subyekt faoliyatini yanada rivojlantirish uchun amalga oshirilishi zarur bo‘lgan chora-tadbirlar xususida fikr almashildi.